Ithole isibhaxu idunwa imoto indoda ngaphandle komuzi wayo oseStepdale eNewlands West namuhla ekuseni.
I-KZNVIP Control Centre ithole umbiko ezinkundleni zokuxhumana mayelana nokudunwa kwemoto ngemva kwezithuba zabo-07h35.
Bonke abezimo eziphuthumayo be-KZNVIP bathunyiswe ngokushesha endaweni yesigameko.
OLUNYE UDABA:Kuthungathwa abasolwa ngokuzama ukubamba inkunzi imoto yemali eKZN
Ngesikhathi efika amaphoyisa eKZNVIP axhumane nesisulu, sasho sihlaselwe ngabasolwa abane abebehlome ngezibhamu behamba ngemoto emhlophe yohlobo lwe-Toyota Aygo ngaphandle komuzi wayo.
Abasolwa, bonke bebehlome ngezibhamu, bakhomba ngazo, bamshaya ngesibhamu maqede babaleka endaweni yesigameko nemoto yakhe.
Imoto eyebiwe yohlobo lweToyota Corolla emhlophe – BH45DJZN, itholwe endaweni yaseNtuzuma enyakatho yeTheku. Amaphoyisa ophiko lwe-SAPS ayaphenya.
KZNVIP
