Abalandeli be Golden Arrows bazwakalise okukhulu ukujabula ezinkundleni zokuxhumana ngemuva kokuthi iqembu labafana besthende limemezele ukubuya kuka Manqoba Mnqithi eThekwini, uMnqithi ugcine ukubonakala kwiMamelodi Sundowns kanti igcine imchithile yalanda umqeqeshi wase Portugal uMigual Cardoso.
Osukwini lwayizolo Arrows ibe isiqinisekisa ukuthi uMnqithi uyena osezohola leliqembu la KwaZulu-Natal, kuzokhumbuleka ukuthi uMnqithi waqala ukubonakala ebholeni elikhokhelayo kuyona iGolden Arrows ngonyaka ka 2007 kanti kubhekiwe ukuthi aguqule amatafula kuleli qembu okungenani alifake kwitop 8.
Umdlalo wokuqala kaMnqithi uzotholana nayo iMamelodi Sundowns osukwini lwangolwesithathu eMpumalanga Stadium ngo 19:30,njengamanje abafana besthende bahlezi kunombolo 11 ngamaphuzu angu 20.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
