Icala lokususa uphahla lwe-asbestos lwezigidi zamarandi libuyile eNkantolo eNkulu yaseFree State eBloemfontein namuhla.
Namuhla wusuku lokuthi leli cala osekunesikhathi lilindelwe liqale ngemuva kokuhlehliswa izikhathi eziningi.
Abasolwa abangu-18 okuhlanganisa nowayenguNobhala Jikelele we-African National Congress (ANC), u-Ace Magashule, usomabhizinisi u-Edwin Sodi, owayenguMqondisi Jikelele wezokuHlaliswa kwaBantu, uThabani Zulu nabanye, babhekene namacala enkohlakalo nokushushumbisa imali.
Lokhu kuhlobene nezinsolo zokukhishwa ngendlela engafanele kwenkontileka ka-R255 million yokususa uphahla lwe-asbestos eFree State ngo-October 2014.
OLUNYE UDABA: Liphinde lahlehla elokubulawa kukaMeyiwa
Icala lihlelelwe isikhathi esiphakathi komhlaka-15 April kuya kumhlaka-23 June 2025. Kodwa-ke, abanye babasolwa sebeveze izinselelo mayelana nokulungela ukuqulwa kwecala.
IJaji uCeleste Reinders lithi, “ Engikuphakamisayo ukuthi njengoba silapha namuhla, ngizokwenza umyalo … wokuqhubeka ngosuku, njengoba selubekiwe futhi ngaleso sikhathi zonke lezi zinkinga zizolungiswa.”
Phakathi kwabo, owayengumsizi kaMagashule, uMoroadi Cholota otshele inkantolo ngesikhathi evele enkantolo ukuthi akakakalungi ukuqulwa kwecala futhi uhlose ukuya eNkantolo eNkulu yokuDluliswa kwamaCala (SCA) ukuze aboshwe futhi abuyiselwe e-USA kumenyezelwe ukuthi akukho emthethweni.
U-Adv Loyiso Makapela uyachaza: “Kodwa ngokuya ezinkingeni zezimali kanye nokungakwazi ukuthola izeluleko ezintsha, ngizophinde ngibe umeluleki wakhe odabeni lobugebengu. Futhi ngenxa yalokho, Nkosikazi, njengoba izinto zinjena – asikakalungeli ukuqhubeka.”
Egcina ukuvela enkantolo, lowo owayenguNgqongqoshe wezokuHlaliswa kwaBantu ngaleso sikhathi u-Olly Mlamleli naye wethula izinkinga zakhe.
“Ngeke ngikwazi manje ngoba uhlelo luhamba kancane ekudayiseni impahla yami. Ngakho-ke, angikwazi ukubakhokhela … bathi ngeke bangimele kokubili ummeli wami ongiyalayo kanye nomeluleki wami.”
Umbuso usamile ekutheni icala selilungile. Kodwa-ke, iveze ukuthi ukuxoshwa nokushintshwa kwabameli akuqhubekiseli phambili lolu daba, kodwa yagcizelela ukuthi kuyenzeka ukulungiselela ukuqulwa kwecala hhayi ukuthi icala liqhubeke.
UJohan Nysschen uthi, “Ngiyasiqonda isimo esibucayi kodwa njengoba ngike ngasho ngaphambili, umbiko wezobunhloli othi cishe amakhasi angu-31,000 ahlanganisa yonke into. Uma usufundile ukuthi uyazi ukuthi kwenzekani kuleli cala futhi uchwepheshe wezobunhloli uzoba omunye wofakazi bokuqala.”
Bobabili umbuso nabanye abasolwa basolana ngokudlala amaqhinga okubambezela icala.
Izinqubo zangoLwesibili zizosho ukuthi icala lizoqhubeka yini noma lizophinde lihlehliswe ngemuva kokuba sohlwini iminyaka.
Okwamanje, kuze kube manje cishe izindlu ezingama-36,000 zisafulelwe nge-asbestos.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
**mitolyn**
Mitolyn is a carefully developed, plant-based formula created to help support metabolic efficiency and encourage healthy, lasting weight management.