Iqembu loMkhonto weSizwe (MK) lihlela ukuvalwa kukazwelonke ngenhloso yokuphikisana nokunyuswa kwe-Value-Added-tax (VAT).
Ekuqaleni kwaleli viki, ungqongqoshe wezezimali u-Enoch Godongwana umemezele ukuthi iVat izonyuswa ngephesenti elilodwa eminyakeni emibili ezayo.
IMK, eyiqembu eliphikisayo ezweni , ifuna kuthathwe izinyathelo ngalokhu kunyuka okungaka.
OLUNYE UDABA: Iyakhathaza eyokukwebhana kwe-DA ne-ANC
Ngaphambi kwenkulumo yesabelomali, i-MK Party ibe nemashi ilibangise emahhovisi oMgcinimafa Kazwelonke, ithembisa ukwenza izwe ukuba lingabuseki uma i-VAT inyuswa.
NgoMsombuluko uMzwanele Manyi onguSotswebhu weMK ePhalamende uthe bazekwenza isiqiniseko okuba bamisa izwe ngokuba nemibhikisha emkhulu yokunqaba lo kwenyuka kwe-VAT.
NgoLwesihlanu esitatimendeni esikhishwe yi-MK ithe isibile nezingxoxo nabalingani bayo; i-Economic Freedom Fighters (EFF), yi-African Transformation Movement (ATM), ne-United Africans Transformation (UAT).
Ngokombiko we-EWN, usuku lokuvalwa kwezwe lusazomenyezelwa.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
