INkantolo eNkulu eThekwini ngoLwesine lwangomhlaka-28 May 2026 igwebe uSanele Dlamini, 28, odilikajele ababili kulandela ukutholakala enamacala amabili okubulala, neminye iminyaka engu-30 ebhadle ejele ngamacala amathathu okuzama ukubulala.
Ngomhlaka-16 May 2025, iqembu labantu elalihlezi emzini osesigcemeni sakwa-U eMlazi liziphuzela utshwalalahlaselwa yiqembu labasolwa elavulela ngenganono libhekise kulo.
OLUNYE UDABA: Kushone 2 wabasolwa kudutshulwana namaphoyisa eMlazi
Kwashona abantu abayisishiyagalombili, kwaphuthunyiswa esibhedlela abane ngenxa yamanxeba okudutshulwa. Abaseshi bophiko lwe-Provincial Murder and Robbery Unit yibo abaqhubeka nophenyo.
UDlamini wahlonzwa njengomunye wabasolwa, amaphoyisa amfuna aze amthola, waboshwa. Kulandela ubuchwepheshe enkantolo, uDlamini watholwa enamacala amabili okubulala namathathu okuzama ukubulala.
Ngokwesitatimende samaphoyisa, kusathungathwa abanye abasolwa ababeyingxenye yokubulala.
