UMnyango wokuHlunyuleliswa kweziMilo (Department of Correctional Services-DCS) uqophe izinga lokuphasa eliyingqophamlando elingu-94.4% ezivivinyweni zika-2025 zeNational Senior Certificate (NSC), kanti iziboshwa ezweni lonke zikhiqize imiphumela emihle yezemfundo naphezu kwezinselelo zokuboshwa.
UNgqongqoshe woMnyango wezokuHlunyeleliswa kweziMilo uDkt. Pieter Groenewald umemezele imiphumela ngoMsombuluko eGoodwood Correctional Centre eWestern Cape. Lokhu ukuchaze njengesikhathi umnyango oziqhenya kakhulu ngemiphumela.
OLUNYE UDABA: UNgqongqoshe uGwarube uzomemezela imiphumela kaMatric 2025
Iziboshwa ezingu-180 ezivela ezikoleni ezingu-18 zpmnyango kuzwelonke zibhale izivivinyo zikaMatric 2025, kanye nezinkulungwane zabafundi kulo lonke izwe laseNingizimu Afrika. Izikole ezingu-15 zomnyango zithole izinga lokuphasa elingu-100%, kanti iziboshwa zizonke zithole o-distinction abangu-132.
Isikole esiseWestville Correctional Centre KwaZulu-Natal, Usethubeni Youth School ikhiqize isibalo esiphezulu sabaphase ngamalengiso esingu-58, ilandelwa yiBaviaanspoort Youth School eGauteng ngabangu-56. Isifunda saKwaZulu-Natal siphinde sanesibalo esiphezulu sabafundi kanye nabaphase kakhulu ngo-Bachelor.
