Uphiko lokulwa nobugebengu, loKlebe luthi, ithi umphathi wenkampani kaphethiloli KwaZulu-Natal uboshwe ngezinsolo zokufuna ukukhipha intshontsho lemali engu-R300,000.
Umphathi wakwa-Engen garage, uSandile Dlamini, uvele eNkantolo yeMantshi yaseThekwini ngoLwesihlanu.
Okhulumela oKlebe, uSimphiwe Mhlongo, uthi inkampani yezokuthutha yanikezwa ithenda lokukhipha amathangi kaphethiloli ka-Engene ngoMarch.
UMhlongo uthi uDlamini kuthiwa wafuna ukufumbathisa ngesikhathi ehambisa ama-invoice.
OLUNYE UDABA: Ugaxwe ozankosi obekhiqiza utshwala obungekho emthethweni eKZN
Uthi ummangali wabika lolu daba kumphathi jikelele wenkampani, ngaemuva kwalokho kwabikelwa oKlebe.
Uthi uDlamini wabanjwa ngoLwesine, kulandela izinsolo okuthola u-R100,000.
“Waboshwa wabekwa icala lokukhwabanisa. UDlamini uvele isikhashana eNkantolo yeMantshi yaseThekwini wanikezwa ibheyili ka-R5,000. Icala lahlehliselwa umhlaka 17 January 2026.
“Inhloko yesifundazwe ye-Directorate for Priority Crime Investigation, uMajor General Lesetja Senona, yamukele ukuboshwa futhi yahalalisela amalungu ngomsebenzi omuhle.”
