UMnyango Wezokubusa Ngokubambisana Nezindaba zoMdabu KwaZulu-Natali (Cogta), ngaphansi kobuholi bukaNgqongqoshe uMfundisi uThulasizwe Buthelezi, ubeke wonke amathimba ezinhlekelele esifundazweni ukuba ame ngomumo kulandela ukukhishwa kwesexwayiso sikaLevel 4, esikhishwe yi-South African Weather Service (SAWS).
Lokhu kuza ngemuva isimo sezulu esingesihle esihlasele iNewcastle ngeSonto, lwangomhlaka-9 November 2025, esilethe isichotho nemvula enkulu ebangele izikhukhula enkabeni yedolobha laseNewcastle nsidale umonakalo emigwaqweni, emabhizinisini nasemakhaya.
Imigwaqo eminingana esenkabeni yedolobha iNewcastlebalwa kuyo u-Ayliff Street, uKirkland Street, iScott & Bird Street, uPatterson & Allen Street, kanye no-Allen Street oseduze nakwa-KFC, ivalwe okwesikhashana ngenxa yomonakalo wezulu.
Isexwayiso sesimo sezulu elibi sikaLevel-4 sibikezelwa kwizifunda nomasipala abalandelayo:
- Amajuba District: Newcastle, Dannhauser, eMadlangeni
- uThukela District: Alfred Duma, Inkosi Langalibalele, Okhahlamba
- Harry Gwala District: Dr Nkosazana Dlamini-Zuma, Greater Kokstad, uMzimkhulu
- uMgungundlovu District: Msunduzi, uMngeni, Mpofana, uMshwathi, iMpendle
- Umzinyathi District: uMvoti, uMsinga, Nquthu
- Zululand District: Abaqulusi, eDumbe, eNdumeni, Ulundi, Nongoma
- Abanye oMasipala: Nkandla, uMuziwabantu
Amathimba abhekelele izinhlekelele kuzo zonke lezi zindawo ami ngomumo ukuze akwazi ukuphuthuma kunoma yiziphi izehlakalo ezingase zivele ngenxa yesimo sezulu esibi.
Izakhamuzi zelulekwa kakhulu ukuba:
- Zikugweme ukuwela imifula noma imigwaqo egcwele amanzi.
- Zihlale ezindlini futhi zingabi seduze namafasitela ngesikhathi semvula enamandla.
- Zikugweme ukukhosela ngaphansi kwezihlahla noma eduze kwezakhiwo zensimbi.
