Amehlo azobe ethe njo kwiKhomishana kaMadlanga uma sekuqala ukulalelwa izethulo ngoLwesithathu. Umhlaziyi wezomthetho uSunil Singh uthi ukhomishana wamaphoyisa eKZN uNhlanhla Mkhwanazi kungenzeka anikeze ubufakazi obugcwele uma esethula ubufakazi bakhe njengofakazi wokuqala wekhomishana.
USingh ukholelwa ekutheni lobu bufakazi bungaba semqoka ekudaluleni izinsolo zenkohlakalo nokugxambukela kwethimba eliphenya ngokubulawa kosopolitiki esifundazweni.
OLUNYE UDABA: I-ANC ilindele ukuthi uMchunu noCele basebenzisane ngokugcwele neKhomishini
Le khomishana yasungulwa nguMengameli uCyril Ramaphosa kulandela izimangalo zikaMkhwanazi azenza ngoJulayi.
Lokhu kuholele ekumisweni kweSekela likaKhomishana wamaPhoyisa uShadrack Sibiya noNgqongqoshe wamaPhoyisa uSenzo Mchunu ukuba babekwe ekhefini eliyisipesheli.
U-Singh uthi lolu phenyo luzobhekwa njengenqubo ebhekwe ngabomvu.
“ UMkhwanazi ungufakazi oqavile kulo lonke lolu daba. Kuzomele aqinisekise zonke izinsolo azozikhuluma futhi uzobe efungile.
“Ngakho-ke, okusho ukuthi noma yini ayishoyo ingasetshenziswa futhi mhlawumbe kwenzeke kube yinto ehlukile kuneKhomishana kaZondo. Bazothi ukuqinisa kancane ekutheni bethole ubufakazi, ngoba uma bebuthola ubufakazi futhi bungatholakali ngendlela efanelekile, kungase kungamukeleki ekuqulweni kwecala okulandelayo uma kufanele kufinyelele kulelo zinga. Ngakho-ke sizongena ohambweni olumaginxaginxa emasontweni ambalwa ezayo.”
