Ngemuva kokwehla kukaphethiloli izinyanga ezine zilandelana, kulindeleke ukuba yenyuke intengo kaphethiloli ngoJuly kulandela ukwenyuka kwamanani kawoyela emazweni omhlaba.
I-data yokuphela kwenyanga yeCentral Energy Fund (CEF) ikhombisa ukuthi intengo kaphethiloli kungenzeka inyuke phakathi kuka-50 cents (93 Unleaded) no-53 cents (95 Unleaded), kanti udizili wona kubukeka uzonyuka phakathi kuka-82 cents (500ppm) no-84 cents (50ppm).
Ngemuva kwalokhu kunyuka, ilitha ye-95 Unleaded izobiza cishe u-R21.09 ogwini kanye no-R21.88 phakathi nezwe, kanti i-93 Unleaded izobiza cishe u-R21.74.
OLUNYE UDABA: Izothi ukwehla kancane intengo kaphethiloli kule nyanga
Intengo kadizili engu-50ppm kungenzeka inyuke ifinyelele ku-R18.65 ogwini kanye no-R19.41 phakathi nezwe.
Khumbula ukuthi lezi zibikezelo zisekelwe yi-data engakahlolwa. Ukulungiswa kokugcina, nokusemthethweni, kwentengo kaphethiloli kuzomenyezelwa nguMnyango Wezokumbiwa Namandla kuleli sonto.
Lokhu kunyuka kwentengo kaphethiloli nodizili kuza ngenxa yokukhuphuka kwamanani kawoyela emhlabeni wonke.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
