Amaphoyisa KwaZulu-Natal athole izimpahla zomgunyathi zemali elinganiselwa ku-400 million wamarandi edepho e-Edwin Swales, eningizimu yeTheku namuhla.
Amaphoyisa abesenza umsebenzi ojwayelekile wokuphenya ngempahla ngesikhathi ethola amakhonteyna amabili abethwele izingubo zomgunyathi, ubucwebe nezinto zasekhishini.
OLUNYE UDABA: Kushaqwe izimpahla zomgunyathi zezigidi zamarandi eThekwini
Womabili amakhonteyina kuthiwe abephethe ifenisha ngokungemthetho.
Uphenyo lokuqala luthole ukuthi amakhonteyina angena kuleli ephuma ezweni lase-Asia kanti umthwalo ubuhanjiswa e-Alberton nasenkabeni yedolobha iGoli esifundazweni saseGauteng.
Uphenyo luyaqhubeka ukuze kutholakale abasolwa abangenisa izimpahla zomgunyathi kuleli.
IZITHOMBE:
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
