Umsolwa oneminyaka engu-28 ubudala kulindeleke ukuba avele namuhla eNkantolo yeMantshi yaseKapa ngecala lokusabisa.
Lokhu kuza ngemuva kokuboshwa kwakhe eGermiston e-East Rand wuphiko loKlebe olulwa neCrime Against The State (CATS) ngemuva kwezinsolo zokusabisa uMengameli Cyril Ramaphosa, iMeya yaseKapa uGeordin Hill-Lewis nesikhulu samabhizinisi.
OLUNYE UDABA: Oklebe sebegaxe owesilisa ozankosi ngokusabisa uRamaphosa
Okhulumela oKlebe kuzwelonke, uThandi Mbambo, uthi ummangali, oyiChief Executive Officer yenkampani yaseKapa, kusolakala ukuthi uthole umyalezo ovela kumsolwa owayesabisa.
UMbambo uthi, “Kwenziwa izinsongo ezibhekiswe kuMengameli waseNingizimu Afrika. Umsolwa usolwa ngokuthumela imiyalezo eminingi esongela ummangali, umndeni wakhe, kanye neMeya yedolobha laseKapa. Lolu daba lubikelwe ithimba loKlebe elizinze eKapa, nelenze uphenyo olusheshayo nokwaholela ekutheni umsolwa aboshwe eGauteng.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
