Abezimo eziphuthumayo babika ukuthi bangaphezu kuka-65 abantu abalimele ezingozini ezimbili ezinkulu ezenzeke ku-N3 ngaseTown Hill.
Izinkulungwane zilibangise KwaZulu-Natal, kule mpelasonto ende yePhasika.
Abosizo lokuqala i-Mi7 National Group bathi isigameko sokuqala sibandakanya amaloli amabili athwala impahla esindayo athwala senzeke ngoLwesihlanu phakathi kwamabili.
Enye yezimoto yehle onqenqemeni lomgwaqo kwathi enye yavimba umgwaqo obheke eningizimu.
OLUNYE UDABA: Izikhulu zomgwaqo eKZN zinxusa ukuthi kuqikelelwe emigwaqeni
Izikhulu zithi bobabili abashayeli nabagibeli ababili baphuthunyiswe esibhedlela.
Esigamekweni sesibili kushayisane izimoto ezingu-15 okuhlanganisa namatekisi amabili kuyo le ndawo.
Abezimo eziphuthumayo bathi sebelaphe abantu abangu-65 endaweni yesigameko kanti abane kubona baphuthunyiswe esibhedlela.
Lezi zigameko kuthiwa zidale ukubambezeleka okukhulu emgwaqeni omkhulu ngoLwesine ebusuku nangoLwesihlanu ekuseni, yize kunjalo, uThania Doogra we-N3 Toll Concession uthi izimoto zihamba ngokukhululeka emgwaqeni manje.
“Umthamo wezimoto eziya eningizimu uma ubheke eThekwini zingaphezudlwana kuka-1000 ngehora e-De Hoek Toll Plaza. Isibikezelo sesiminyaminya se-N3TC sanamuhla sibikezela ukuthi lokhu kuzoqhubeka kuze kube u-11:00 ekuseni namhlanje kunguLwesihlanu.
“Isimo sezulu emzileni kubikwa ukuthi siguqubele ngokwengxenye, i-N3TC inxusa bonke abashayeli ukuba bacophelele emgwaqeni ngaso sonke isikhathi.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEditEdit
