Liqalile ukudonsa isigwebo sayo seminyaka emithathu libhadle ejele iphoyisa laseThekwini ngecala lenkohlakalo.
UConstable Andiswa Vezi wafuna intshontsho lemali engu-3 000 wamarandi kowesifazane owaya esiteshini samaphoyisa akuBroadway Street ngo-2019 ukuze agxivizelwe izitifiketi zakhe.
INkantolo yesiFunda eThekwini ilalele ukuthi uVezi wathi isitifiketi sikamatikuletsheni salona wesifazane siwumkokotelo, wabe esefuna ukuthi akhiphe inkokhelo yokubuyiselwa kwamaphepha akhe.
OLUNYE UDABA: Lihlehlile icala lokususa uthuthuva likaDuduzile Zuma-Sambudla
Okhulumela amaphoyisa ophiko loKlebe eKZN uSibu Ncane uthe, owayengumabhalane, uNtuthuko Zondi, wasebenzisana nephoyisa wabe esexhumana nalo wesifazane ukuze bahlele ukukhokhelana.
“Udaba lwabikwa kumalungu oKlebe ophikweni lweDurban Serious Corruption Investigation, okuyiwona avele aqala umshoshaphansi owaholela ekuboshweni kukaVezi ngemuva kokutholakala nezincwadi zommangali nesamba semali esingu-R1000.00. UZondi wazinikela emaphoyiseni.
“Ngaphezu kwalokho, inkantolo ikhiphe isigwebo seminyaka emihlanu (5), esilengiswe yonke iminyaka emihlanu ngaphansi kombandela wokuthi bangagwetshwa ngecala elifanayo, ngesikhathi solengiswa.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
