Ungoti wokuguquguquka wesimo sezulu usehlanganise ukukhula kwedolobha Nokwanda kwezikhukhula KwaZulu-Natal.
UTafadzwa Mabhaudi wase-University of KwaZulu-Natal uthi: “Sishintsha imvelo. Sishintsha izindawo ezinotshani. Sishintsha amahlathi sifaka izakhiw, ingqalasizinda engekho esimeni esigculisayo, ezodala amanzi amaningi, manje la manzi adinga ukukhishwa aphinde aphambukiswe.”
Ukuphawula kukaMabhaudi kulandela izimvula ezinamandla ezidlule nemiphefumulo ebalelwa kwengu-25 ngenyanga ephelile.
OLUNYE UDABA: “IKZN ayinayo imali eyanele yokulungisa umonakalo odalwe yizikhukhula”
Lezi zimvula zicekele phansi imigwaqo, ingqalasizinda kanye nemizi eyizinkulungwane.
Izikhulu zithi zisabala izindleko zenhlekelele yangesonto eledlule, edlule nemiphefumulo emithathu.
UMabhaudi uthe kuyakhathaza ukwanda kwabantu abahlala ezindaweni eziphansi.
Uthe ukunakekelwa kwezinhlelo zokudonsa amanzi kubalulekile ukuze amanzi ahambe.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
