Ukutholakala kwesidumbu sikaZothani Zungu oneminyaka engu-20 ubudala wasesigodini saseMlaba eHammarsdale, KwaZulu-Natal, kushiye umndeni ukhungathekile.
Ngokusho komndeni, uZungu ubesenezinyanga ezimbili engaziwa ngemuva kokugcina ebonakale nabangani bakhe abaningi.
OLUNYE UDABA: Kutholwe isidumbu sendoda ezimobeni eThekwini
Amaphoyisa abike ngokutholakala kwesidumbu sakhe ebesesonakele ethuneni elingashoni endaweni engangekhilomitha nasekhaya lakhe.
Amaphoyisa asebophe abasolwa ababili, oneminyaka engu-19 noneminyaka engu-20 ubudala, mayelana naleli cala.
Okhulumela amaphoyisa, uColonel Amanda Funani uthi uphenyo luyaqhubeka.
