Umqeqeshi weKaizer Chiefs uNasredine Nabi, uthi namanje akakapholi enhlizweni yakhe ukushaywa omkhaya babo i-Orlando Pirates kumzuliswano wokuqala kumdlalo weBetway-Premiership ngonyaka odlule.
Osukwini lwanamuhla Amakhosi azotholana phezulu neZimnyama emdlalweni wesibili weligi eFnb stadium ngehora lesithathu ntambama.
OLUNYE UDABA: UFarook Kadodia uncoma ukuzinikela kwabadlali beDurban City
Umdlalo wokugcina weDerby waseSoweto iPirates yanqoba ngegoli elilodwa eqandeni nokwigoli elavalelwa phakathi uPatrick Maswanganyi ngomzuzu wokugcina. uNabi uthi uzimisele kakhulu ukugeza inhliziyo yakhe osukwini lwanamuhla ukuthatha amaphuzu amathathu ephelele kwi-Orlando Pirates.
Lo mdlalo uza nje womabili la maqembu abuya endukwini njengoba iKaizer Chiefs isanda kushaywa yiMarumo Gallants kanti iPirates yona isanda kushaywa iSekhukhune United.
EzikaNabi zihlezi kunombolo 9 kwiligi ngamaphuzu angu-30 emidlalweni engu-25 asebeyidlalile kanti basanqobe engu-8 bashaywa kwengu-11 kanti banamadraw angu-6.
Ezika Riverio zona zihlezi kunombolo-2 ngamaphuzu angu-46 emidlalweni engu-21 asebeyidlalile basanqobe engu-15, bashaywa kwengu-5 badlala idraw kumdlalo owodwa.
Isiyonke imidlalo yeBetway Premiership kule mpelasonto imi kanje :
Kaizer Chiefs vs Orlando Pirates 15:00
Magesi fc vs Sekhukhune united 17:30
Supersport united vs Chippa united 17:45
Cape Town city vs Mamelodi Sundowns 20:00
Kusasa:
Ts Galaxy vs Richard’s bay 15:00
– Andile Andizo Mthembu
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEditEditEdit
