Uthweswe icala udokotela wasesibhedlela iPort Shepstone Regional kulandela izinsolo zokweqa esitokisini ngemuva kokuboshelwa ukushayela ephuzile.
Lo dokotela uboshwe ngesikhathi kunezivimbamgwaqo ngempelasonto edolobheni elisogwini oluseningizimu.
UMnyango wezokuThutha KwaZulu-Natal uthi le ndoda ibalwa nabantu ababalelwa ku-70 ababoshelwe ukushayela bephuzile ngoMgqibelo ebusuku kuya osuwkini lwangeSonto ekuseni.
OLUNYE UDABA: Stats SA: Linyuke ngo-01% izinga labantu abasebenzayo
Kuboshwe nabahlengikazi abathathu nekhansela.
UMnyango uthi abasebenzi bezempilo kumele babe yisibonelo, njengoba izingozi ezihlobene notshwala ziqhubeka nokukhinyabeza uhlelo lwezempilo.
Okhulumela uMnyango uNdabezinhle Sibiya uthi, “Isibalo sababoshiwe ngale mpelasonto ePort Shepstone sisodwa singu-110 manje, kanti isibalo sababoshwe bephuzile nabashayeli kusukela ngomhlaka-15 Augusti sesingu-399.”
