UMlazi International Film Festival (UIFF) yethule ngokusemthethweni uhlelo lwayo i-4th Edition yonyaka ka-2025 eMangosuthu University of Technology, eMlazi ngoLwesibili.
UMlazi International Film Festival ngaphansi kwendikimba: AI, IP and Innovation uveze indlela lo mcimbi osukhule ngayo kusukela emnyakeni emthathu eyedlule.
Kulo mcimbi kuphinde kwaqhakambiswa iqhaza elibambile ekuthuthukiseni intsha, ukusixoxela izindaba ngokwamafilimi kanye nokusethulela izinto ezintsha eThekwini nasesifundazweni.
Kulo mcimbi kuphinde kwagqama ukusebenzisana kwabo nabamazwe angaphandle, kwethulwe uDkt Syleecia Thompson wase-United States owusekelayo lo mcimbi nozoletha izinhlelo nemisebenzi emningi emisha, ezothuthukisa intsha yakuleli.
OLUNYE UDABA: Kube yinjabulo yodwa iDolobha lethula umkhankaso walo wesizini yehlobo
UMicheal Ngema ongumsunguli nomphathi omkhulu we-UMlazi International Film Festival 2025 utuse kakhulu ithimba lakhe asebenzisana nalo, elincoma ukusebenza kwalo ngokuzikhandla nangokuzinikela kwalo, kusukela ekuqaleni bengenzi nzuzo, waphinde wadlulisa okukhulu ukubonga kuSimon Ntuli ongumphathi kwa-Arts and Living Culture no-Amanda wakwa-Tourism & Film ngoxhaso abalutholile kubona.
UNgema enkulumweni yakhe uthe isifiso sakhe ukubeka indawo yaseMlazi kwibalazwe, badale amathuba emisebenzi bakhulise umnotho.
Umlazi International Film Festival ngokubambisana nezinye izinhlaka uphinde ukwazi ukuhlinzeka intsha ngemifundaze yokufunda iminyaka emithathu eCreative Arts College.
I-UIFF iyaqala ngomhlaka-24 kuya kumhlaka-29 November 2025 kwa-Maxi’s Lifestyle eMlazi ize iyophelela eMangosuthu University of Technology – North Campus.
UMbhali kanye noMqondisi wamafilimu uSabelo Ndlovu, ongumnikazi wefilimu Amathambo okuzovulwa ngayo lo mcimbi kwa-Maxi’s Lifestyle ngomhlaka-24 November udlulise ukubonga okukhulu kwabe-UIFF ngokubona umsebenzi wakhe umuhle futhi ubaluleke ngalendlela yokuthi kube wuwo ovula lo mcimbi, nokuzobe kungokokuqala le filimu ibonakala.
Ukuba yingxenye yale Festival cofa ilink ngezansi ubhalise:
UMLAZI INTERNATIONAL FILM FESTIVAL 2025
