UMbuso ecaleni lokubulala uSenzo Meyiwa, namuhla kulindeleke ukuba uqhubeke nokuphenya ngezinsolo zokuthi ummangalelwa wokuqala, uMuzi Sibiya, wayehlala KwaZulu-Natal ngonyaka okwabulawa ngawo ukaputeni weBafana Bafana.
USibiya ugcizelela ukuthi wayengekho esifundazweni saseGauteng phakathi konyaka ka-2013 no-2015 njengoba wayehlala KwaZulu-Natal.
Uzovela eNkantolo Ephakeme ePitoli kanye nabanye abasolwa abane ngokubulala uKaputeni weBafana Bafana ngo-October 2014.
OLUNYE UDABA:umama-kasenzo-meyiwa-ucela-labo-ababekhona-ngesikhathikubulawa-indodana-yakhe-ukuba-bakhulume/
Umbuso usukhiphe iziliphu zasebhange ezitshenginga ukuthi wayethenga kakhulu ngo-2014 eGauteng.
USibiya uvumile ukuthi i-akhawunti ngeyakhe; kodwa, uthi umama wengane yakhe nguye owayesebenzisa ikhadi lasebhange.
“Angazi ngazo zonke lezi liphu. Engikushoyo ukuthi ngo-2013, ngesikhathi ngihamba ngiya e-KZN, ngashiya wonke amakhadi ami kuMbali, ngoba sinengane naye futhi ngezikhathi ezithile kulindeleke ukuthi athole imali ukuze aqhubeke nokondla ingane, njengemali yesondlo somntwana.”
