Inhlangano iSikhulise Nursery and after Care ibinombhikisho wezingane enkabeni yedolobha eCity Hall namuhla ziyodlulisa izikhalo zazo ehhovisi leMeya yethu uKhansela Cyril Xaba.
Izingane ngale mashi zithi sekwanele, ziyadlwengulwa ziyabulawa, ziyahlukunyezwa ziphinde zithunjwe zihanjiswe kwamanye amazwe.
Zifuna nokuba amacala achithwa yizinkantolo ngenxa yokuntula kobufakazi aphinde aphenywe.
OLUNYE UDABA: #Justice4Cwecwe: Namanje akukaboshwa muntu ngecala lokudlwengulwa kwentombazane, 7
Nsuku zonke kunengane ebulawayo, edlwengulwayo nehlukunyezwayo ezweni lethu.
Lezi zingane ezineminyaka engaphansi kweyishumi ubudala zifuna amaphoyisa asukumele amacala ezingane ngokushesha ukuze athule ubufakazi obanele ezinkantolo, abenzi bokubi baboshwe ngaphandle koshwele nebheyili.
Zithi izingane zifuna i-SAPS igade amachweba aseThekwini nsuku zonke okuyindawo okushushumbiswa kuzo izingane.
IVIDEO:
