Amaphoyisa aKwaZulu-Natal abophe abasolwa abahlanu mayelana nezehlakalo eziphathelene nokugqekeza amabhizinisi eWoody Glen edolobheni laseMpumalanga eHammersdale namuhla ekuseni.
Amaphoyisa ayisukumele ngokushesha imibiko yeqembu Labantu ebeligqekeza ezitolo zama-container e-Embuthweni Main Road e-Unit 4, edolobheni laseMpumalanga.
Omunye wabasolwa uboshwe ngaphakathi kwesitolo kanti abane baboshwe ngesikhathi bezama ukubaleka.
OLUNYE UDABA:Kuboshwe 14 wabokufika emashini eMpumalanga
Abasolwa, abaneminyaka ephakathi kwengu-14 nengu-27 ubudala, bazobekwa icala lokulimaza impahla kanye nokugqekeza amabhizinisi.
Basacutshungulwa kodwa bazovela enkantolo maduze.
Amaphoyisa aKwaZulu-Natal anxusa izakhamuzi ezizoqala imashi ukuthi ziyeke izenzo zobudlova, izenzo zobugebengu kanye nokwesabisa. Nakuba amaphoyisa ekhona ukuvikela imashi, azoqinisekisa umthetho futhi akukho ukungabi namthetho okuzobekezelelwa.
