Icala likaVusimuzi “Cat” Matlala lokukhwabanisa nenkohlakalo lihlukanisiwe nasolwa nabo eNkantolo yeMantshi yasePitoli ngoLwesithathu.
UMatlala oyingxenye yethenda ka-R360 million okuthiwa yakhishwa ngokungemthetho amaphoyisa, itholwa yinkampani yakhe, i-Medicare24 District yaseTshwane, ubekwe amacala kanye nezikhulu zamaphoyisa ezingu-12 ezithinteka enkohlakalweni nokukhwabanisa okuhlobene nethenda.
OLUNYE UDABA: UMasemola uzobekwa icala ngethenda laMatlala lika-R360m
Kulindeleke ukuthi avele phambi kweNkantolo yamaCala ezoHwebo ngoLwesine.
Abasolwa noMatlala, okuhlanganisa nokhomishana wamaphoyisa omisiwe uFannie Masemola, kulindeleke ukuthi babuyele enkantolo ngoLwesihlanu.
