Izangoma zezulu zikhiphe isexwayiso sezulu sika-Level 2 ezingxenyeni eziseningizimu nasentshonalanga kanye noLevel 4 enyakatho ye-KZN.
Izakhamuzi zaKwaZulu-Natal zinxuswa ukuba ziqaphele njengoba kulindeleke iziphepho ezinkulu esifundazweni namuhla ntambama.
Izindawo ezingase zithinteke kumonakalo wesiphepho; yindawo yaseBaqulusini, e-Alfred Duma, iseNdaka, eLadysmith, e-Underberg, eThekwini, kwaSobabili, KwaDukuza, eMkhambathini, eGiants Castle, eMooi River, uMsunduzi, eRichmond,naseMdoni.
OLUNYE UDABA: Umndeni uchithe owamaLungelo Abantu uthungatha owahamba nezikhukhula
Abakwa-South African Weather Service bathi isibikezelo sezulu sika-Level 2 sizohambisana nezimvula ezinkulu, umoya onamandla, umbani nesichotho.
Isexwayiso sika-Level 4 ezingxenyeni ezisenyakatho yesifundazwe kanti izangoma zezulu zithi iziphepho zingase zibangele izikhukhula kanye nomonakalo omkhulu kwingqalasizinda nezakhiwo.
“Abashayeli bezimoto bangalindela izimo zokushayela ezinzima emigaqweni kanti izakhamuzi zona zinxuswa ukuba ziqaphele noma zigweme ukuhamba emabhulohweni nasemigaqweni ezindaweni eziphansi ngenxa yokuthi zisengozini yezikhukhula kanye nemigodi engaphansi komhlaba.
Izakhamuzi nazo zelulekwa ukuthi zigweme imisebenzi yangaphandle njengoba umbani, isichotho kanye nezikhukhula kungabangela ukulimala nokuphuma komphefumulo.
