Bavelile eNkantolo yeMantshi yasePolokwane abantu abayisithupha ababoshwe mayelana nokukhwabanisa ngomshuwalense ka-R10 million eLimpopo namuhla.
Abasolwa, ababoshwe ngoLwesibili ngesikhathi sokusebenza ngokubambisana kwamaphoyisa, bazobhekana namacala angu-47, okubalwa kuwo namacala ayisishiyagalolunye okubulala.
Icala lihlehliselwe umhlaka-25 March ukuze kuqhutshekwe nophenyo kanye nesicelo sebheyili.
OLUNYE UDABA: Udilikajele kowesifazane owabulala indodakazi yakhe KwaMashu
Bonke abasolwa bazogcinwa esitokisini.
Ukuboshwa kwakamuva kwenza isibalo sabasolwa sibe yishumi, kanti abanye babo bangamalungu omndeni owodwa. Icala liphinde libandakanye nowayeyiphoyisa uRachel Kutumela nabanye abathathu.
Kuthiwa izisulu zazingaphansi komshuwalense kanti kamuva nje zabulawa ukuze kufakwe izicelo zokuphuma kwemali yomshwalense.
Kubikwa ukuthi amacala aqala ngo-2000 kuya ku-2024, lapho abantu ababefakwe ngaphansi komshwalense bashona ezimweni ezahlukene.
