Kulokhu kuqhubeke njalo ukukhathazeka mayelana nokuthi inkampani ekhiqiza ushukela iTongaat Hulette ingase ivalwe.
I-Cosatu KwaZulu-Natal ixwayise ngokuthi abasebenzi kanye nemiphakathi yonke ethembele embonini kashukela bazohlupheka kakhulu.
Inhlangano yabasebenzi ithi ikhathazekile nangomthelela emnothweni wesifundazwe kanye nasezinhlelweni zokunikezwa kwempahla zasendaweni.
Ngesonto eledlule, ochwepheshe bokuhlangula amabhizinisi bathi sebeqede zonke izindlela zokusindisa umkhiqizi kashukela obhekene nobunzima.
OLUNYE UDABA: Inkampani iCoca-Cola SA isimemezele ukudilizwa kwabasebenzi
Bahlose ukuya ezinkantolo ukuze inkampani ibekwe ngaphansi kokuvalwa okwesikhashana. Amaqembu ahlukene ahlanganisa abalimi aveze ukukhathazeka kwawo.
U-Edwin Mkhize weCosatu ucele iziphathimandla zikahulumeni ukuthi zingenelele kulolu daba.
“Kumelwe sibize uhulumeni wethu, uhulumeni wesifundazwe kanye nohulumeni kazwelonke ukuthi basondele, basebenzisane nesikhungo benze ukungenelela okudingekayo ukuze kuvinjelwe ukulahleka kwemisebenzi.”
