Icala labasolwa abangu-62 abasolwa ngokususa udlame ngoJuly 2021 kulindeleke ukuthi liqhubeke eNkantolo ePhakeme eThekwini namuhla.
Babhekene namacala ahlanganisa ukugqugquzela ukwenza udlame emphakathini, ubuphekula kanye nokwakha uzungu lokubulala.
OLUNYE UDABA: UZuma-Sambudla uthi kwenziwa ama-group kaWhatsApp angu-164 ngo-July 2021
Khona manjalo, elinye icala elihlobene nodlame, elibhekene noBonginkosi Khanyile, lihlelelwe ukuthi lihlale eNkantolo yesiFunda saseThekwini ngemuva kokuhlehliswa kwecala ngenyanga edlule.
UKhanyile ubhekene necala lokugqugquzela ukwenza udlame emphakathini kanye nokwephula uMthetho Wokuphathwa Kwezinhlekelele.
Kwashona abantu abangaphezu kuka-300 ngesikhathi sezibhelu zikaJuly 2021 KwaZulu-Natal naseGauteng. Kwalimala nomnontho ngaphezu kuka-R70 billion.
