Usuqalile umkhankaso weminyaka yonke wezinsuku ezingu-16 wokulwa nodlame olubhekiswe kubantu besifazane nezingane, kusukela ngomhlaka-25 November kuya kumhlaka-10 December 2025.
Kulo nyaka, lo mkhankaso ungaphansi kwendikimba ethi: “Letsema: Men, Women, Boys and Girls working together to end Gender-Based Violence and Femicide (GBVF)” – “Letsema: Amadoda, Abesifazane, Abafana Namantombazane bayasebenzisana ukuqeda ubudlame olusekelwe ngokobulili nokubulawa kwabesifazane (GBVF)”.
OLUNYHE UDABA: Undunankulu wase-KZN uxolisile ngomyalezo womkhankaso weGBV ‘ongenazwelo’
Isihloko sisekelwe ekuzibophezeleni kwethu ekuthuthukiseni ubudoda obuhle kanye nokubaluleka kwako emizamweni yethu yokuvimbela, ukulwa, nokuqeda isihlava sobudlame olusekelwe ngokobulili nokubulawa kwabesifazane. Sicela makucace ukuthi ukulwa kwethu ne-GBVF kungawavaleli ngaphandle amadoda nabafana.
Ekhuluma engqungqutheleni yezenhlalo ye-G20 esanda kubanjelwa, uMengameli uRamaphosa uthe, “Awukho umphakathi ongachuma uma nje udlame olusekelwe kubulili kanye nokubulawa kwabesifazane luqhubeka nokuzibandakanya kwabesifazane kuphikiswa.
NgoLwesine, lwangomhlaka-4 December 2025, uMengameli uRamaphosa uzokwethula inkulumo kwi-Men’s Indaba yokulwa nodlame olusekelwe kubulili kanye nokubulawa kwabesifazane, ehlelwe yihhovisi likaNdunankulu wesiFundazwe saseFree State. UMengameli uzobe enxusa amadoda ukuthi asebenze kakhulu futhi azibandakanye ekuvimbeleni isihlava sodlame olusekelwe kubulili kanye nokubulawa kwabesifazane.
