ISouth African National Taxi Council (SANTACO) kanye nenhlangano engaphansi kwayo iSouth African Meter Taxi and e-hailing Association (SAMTEA) bathi sebewuqalile umsebenzi wokuqinisekisa ukuthi imboni yamatekisi kanye nabama-e-hailing basebenza ngokuzwana nangokuhloniphana.
Lokhu kulandela umhlangano oyingqophamlando phakathi kweSANTACO nezinkampani zama-e-hailing okubalwa kuzo iBolt, Taxi Ride neSchuma Ride.
Lokhu kuza ngemuva kokusayinwa koMthetho Wokuchibiyela Kazwelonke Wezokuthutha Ezihamba Phansi (National Land Transport Amendment Act) owamukela ngokusemthethweni i-e-hailing njengomsebenzi wezokuthutha umphakathi, odinga uphawu oluboniswayo kanye nokubhaliswa kwabalawuli.
OLUNYE UDABA: UMnyango wezokuThutha usukhiphile umthetho omusha we-e-Hailing
Kwethenjwa ukuthi isivumelwano sizolungisa ubudlelwano phakathi kwe-e-hailing nabashayeli bamatekisi.
Okhulumekla i-SANTACO kuzwelonke, uMmatshikidi Phala uthe, “emhlanganweni oyingqopha-mlando obungesonto eledlule, i-SANTACO kanye ne-SAMTEA baxhumane ngqo nezinkampani ezihamba phambili zama-e-hailing okubalwa i-Bolt, i-Taxi Ride, ne-Shuma Ride.”
UPhala uthi inhloso yalokhu kuxoxisana bekuwukuqala ukwakha ukuqondana kanye nokukhuthaza ubudlelwano bokusebenzisana nomkhakha wamatekisi wendabuko kanye nezinsiza zezokuthutha ezisekelwe kuhlelo lokusebenza.
“Zonke izinhlaka ebezikhona zivumile ukusebenza ngokubambisana ekuqhubekiseleni phambili imboni,” uyanezela.
