ITheku limemezele isiphakamiso sokwakhiwa kwalesi sikhungo eMhlanga Village, Lagoon Drive.
Inhlangano yabakhokhi bentela, Umhlanga Ratepayers and Residents Association isizwakalise ukungahambisani nayo, ithi lokho kungase kudale ukwanda kobugebengu.
Isishoshovu uSandy Papale wethule incwadi yezikhalazo ephikisana nezinhlelo zedolobha.
OLUNYE UDABA: Kudutshulwe kwabulawa osolwa ngokubulala iphoyisa eduze naseHillcrest
Uthi cishe abantu abayinkulungwane abengeze amasignesha abo, eveza ukukhathazeka ngezinkinga zokugembula, kwintsha, nezivakashi zendawo.
“ Ngimele intsha eningi kuleli. Ngikholelwa ekuyisekeleni ngemfundo, ezemidlalo, ezobuciko, umculo namasiko. Futhi angikufuni ukugembula, kuphenduka isifo nezidakamizwa.
“Ngiyaphikisana nesakhiwo sekhasino futhi njengesakhamuzi esiyaziyo indawo yaseMhlanga, inani lezakhiwo endaweni lizokwehla. ngenani lezakhiwo. Leyo ndawo ibhekene neBeverly Hills enezinkanyezi ezinhlanu.”
Umasipala ukuvalile ukuphikisa lesi siphakamiso kuleli sonto.
ITheku liphendula esicelo seNewswatch sokuthola ulwazi olwengeziwe, lithe i-KZN Gaming and Betting Board ibhekelele imithetho kanye nokusebenza kwamakhasino hhayi umasipala.
Kwengezwe ngokuthi ukukhathazeka maokunqanda nobugebengu kumele kuphakanyiswe emaphoyiseni.
