Owesilisa oneminyaka engu-26 ubudala owagetshengwa iselula yakhe yohlobo lweSamsung A05 endaweni yokucima ukoma ngoMgqibelo wangomhlaka-26 July 2025 ngezithuba zabo-23:30 kuholele ekutheni ebelwe imali engu-R6000 kuthengwa ngayo ngaphandle kwe-pin code.
Lesi sakhamuzi saseCanelands, eVerulam KwaZulu-Natalsicele usizo kwabeReaction Unit South Africa (RUSA) sabe sesethula isitatimende saso sasebhange esilisebenzisayo lakwaCapitec esitshengisa ukusetshenziswaizikhawu ezintathu kwaze kwahlangana imali engu-R6000 enkabeni yedolobha laseVerulam naseChatsworth eThekwini, KwaZulu-Natal.
Isisulu siveze nokuthi asizange sisheshe sibike ngalokhu ngoba sazi ukuthi akekho omunye one-password yeselula kanye nepin code ye-app yaso yasebhange ngale kwaso.
OLUNYE UDABA: Kunxuswa umphakathi ukuba ubike ngobukhonyovu nenkohlakalo kulandela ukuboshwa kowebe udizili
“Kusetshenziswe izimali ezincane ukuthenga ukudla ezitolo ezithengisa ngokudla okutholakala sekuphekiwe.”
Ngesikhathi isizulu sibika ngalolu daba besesisalelwe yimali engu-R37 ebhange.
Isisulu sivule icala emaphoyiseni aseVerulam SAPS Kwazulu Natal esebenzisa iCAS No. 68/08/2025 waphinde wacela usizo lwebhange lakwaCapitec ukuze akwazi ukuhlonza umsolwa esebenzisa izithombe.
Umsolwa usebenzise imishini emithathu yakwaCapitec yokukhipha imali.
RUSA
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
