Ube yimpumelelo umcimbi waseQwabe osukwini lwanamuhla njengoba beku yalwa abafana abasakhula, befundiswa indlela yokuziphatha komuntu wesilisa.
Lo mcimbi ubuhlelwe othisha baseQwabe endaweni yakwaMaphumulo, eMvoti esigodini sakwaQwabe, abafundi kanye nabazali bebethamele lo mcimbi obuhanjelwe abaholi bendawo, amaphoyisa, onesi, induna yendawo kanye nabezenkolo.
Lo mcimbi uphinde wahanjelwa uMhloli walesi sikole, uMr Cele.
OLUNYE UDABA: Kuphenywa ngezinsolo zezepolitiki esikoleni saKwaDukuza
Kulo mcimbi kubonakale igenge esakhula iphuma ijabule ngamazwi ibikhuthazwa ngawo njengoba nayo iziphawulele ibuza abaholi abebekhona kulo mcimbi baphinde bathembisa abafundi ukuthi abebekwenza okungalungile bazozama ukushintsha kubona.
Uthisha omkhulu waseQwabe uMr Nxumalo ubonge bonke abebethamele lo mcimbi waphinde wabonga abafundi ngokuhlonipha umcimbi wabo njengoba lo mcimbi bekuwukulekelela abafana abancane abasakhula ukuthi beziphathe kanjani, othisha abebeyingxenye yalo mcimbi nokuhlelwa kwawo; nguThisha Xhakaza, Makhwasa nabanye othisha bakhona eQwabe, lo mcimbi abahleli bawo bathi nangonyaka ozayo uzobuya.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
