Amaphoyisa aKwaZulu-Natal adinga usizo ngokuthungatha osolwa ngokubulala.
Bacela ukufuniswa uZethembe Joyful Mzulwini oneminyaka engu-20 ubudala odume ngelika-‘Zwe’.
Okhulumela amaphoyisa KwaZulu-Natal uThenjiswa Ngcobo, uthe uMzulwini ongowaseFolweni waboshelwa ukutholakala nesibhamu nezinhlamvu okungekho emthethweni ngoJanuary.
UMzulwini kusolwa ukuthi wenze elinye icala ngesikhathi engaphandle ngebheyili.
OLUNYE UDABA: Kufunwa 12 wabantu abasolwa ngokubamba inkunzi imoto yemali ePMB
“UMzulwini kusolwa ukuthi wabulala abantu ababili ngesikhathi edubula ebulala izelamani ezimbili emzini wakubo oseMpusheni Reserve ngomhlaka-28 April 2025. Incwadi egunyaza ukuboshwa kwakhe yakhishwa yiNkantolo yeMantshi yaseNsimbini ngomhlaka-5 May 2025.
“Amaphoyisa acela noma ngabe ngubani ongaba nolwazi mayelana nokuthi ukuphi uMzulwini, athinte uDetective Constable Khuzwayo ku-082 3348 323 noma asebenzise iCrime Stop 08600 10111. Amathiphu angadluliselwa ngohlelo lokusebenza lweMySAPS.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
