UNgqongqoshe wezokuThutha uBarbara Creecy unxusa abantu abasha ukuthi bahlale bephephile baphinde bahlale beqaphile emigwaqeni kule mpelasonto ende.
UCreecy uxwayise ngokuthi inyanga kaJune ingenye yezinyanga ezinezingozi ezidlula nemiphefumulo yabashayeli.
Ngonyaka odlule ngempelasonto ende yoSuku Lwentsha kwashona abantu abangu-231 kanti bangaphezu kuka-75 abashona okudlula unyaka ka-2023.
OLUNYE UDABA: Sehlile isibalo sabashone ezingozini ngePhasika kulo nyaka
Ekhuluma ePotchefstroom ngoLwesihlanu, uCreecy ucele abashayeli kanye nabahamba ngezinyawo ukuba baqaphele emigwaqeni.
“Ngokujwayelekile uJune unezinga lokushona kwabantu ababalelwa kwinkulungwane. Esinye sezizathu ezenza inyanga kaJune kube yinyanga eyingozi kakhulu emigwaqeni ukuthi iyona nyanga enesikhathi eside sobumnyama.
“Futhi uma ezifundazweni eziningi ezweni lakithi, ukuhwalala kuqala ngehora lesihlanu ntambama,” kusho yena.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
