Isikhulu samaphoyisa eKZN, uNhlanhla Mkhwanazi, uthe isigwebo esinzima esinikezwe owayengumphenyi owalahlwa yicala lokwakha uzungu lokubulala kumele siphaphamise amaphoyisa angamaqili.
UMkhwanazi usamukele isigwebo, wathi, “okungiphatha kabi kakhulu wukuthi umuntu ohola lezi zigebengu yiphoyisa, ebelisebenzela iSouth African Police Services (SAPS) iminyaka engu-39, kanti besekusele izinyanga eziyisithupha ngaphambi kokuthi athathe umhlalaphansi.
“Sijabule kakhulu ukuthi inkantolo ithole le ndoda inecala. Singayithatha iminyaka engu-10 yesigwebo, ngethemba lokuthi lokhu kuzobuyisela umthetho nokuhleleka kwisifunda.”
OLUNYE UDABA: Ugwetshwe iminyaka elishumi ebhadle ejele owakha itulo lokubulala iphoyisa
Ekhuluma ngaphandle kwenkantolo ngemuva kokugwetshwa, Umzinyathi district commissioner uFrancis Slambert uthi lokhu angeke kumenze adikibale ekwenzeni umsebenzi wakhe.
“Angisho ukuthi angilimalanga, kodwa ngithi siphenduka izisulu njengamaphoyisa eSAPS, empeleni sengiphenduke ‘uphunyuka bamphethe’.
Luthembe uhlelo lwezomthetho, futhi ke uhlelo lukhombisile ukuthi yebo, ubulungiswa bungenziwa nakuba bungase buthathe isikhathi kodwa bona bugcine benzekile.”
UBanawa ugwetshwe yiNkantolo yesiFunda yaseNewcastle namuhla.
Inkantolo ilalele ukuthi uBanawo wazama amahlandla amathathu ukubulala uKhomishana wesiFunda saseMzinyathi, uMajor General Francis Slambert okuyinto inkantolo eyayikubize njengezizathu zakhe kanye nezizathu ezihlobene nomsebenzi kaMajor General Slambert.
Izinkanti ezimbili ezaqashwa nguBanawa ukuba zibulale uSlambert zona zaphenduka ofakazi bombuso, azizange zishushiswe.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEditEdit
