Johannesburg – INkantolo eNkulu yaseGqeberha namuhla ishaqise abaningi ngesinqumo sayo esikhiphile ecaleni lomfundisi waseNigeria uTimothy Omotoso nabanye ababili bebandla lakhe asolwaa nabo.
Lo mfundisi wethelevishini waseNigeria, uPastor Timothy Omotoso, uphume phambili kuwo wonke amacala angu-32 okudlwengula nokushushumbisa abantu.
OLUNYE UDABA: Inkantolo izokhipha isinqumo ecaleni lomfundisi uTimothy Omotoso
U-Omotoso, kanye nabanye asolwa nabo, uLusanda Solani noZikiswa Sitho, bobabili abangamalunga aphezulu ebandla lakhe, baboshwa ngo-2018, bebhekene noxhaxha lwamacala anzima, okubalwa kuwo awokudlwengula, ukuhlukumeza ngokocansi, ukushushumbiswa kwabantu namanye.
Leli cala eliseqophelweni eliphezulu, elihambisana nokubambezeleka, izinselelo zomthetho kanye nemizamo eminingi yokuthi leli cala lihoxiswe, seliphothuliwe kulandela iminyaka eyisishiyagalombili izwe lithe njo kulo.
USolani, uSitho no-Omotoso baphume namuhla, amagama abo esuliwe emabhukwini enkantolo.
Umbuso ukuqinisekisile ukuthi u-Omotoso uzodingiswa abuyiselwe eNigeria ngokushesha.
Timothy Omotoso and his co-accused found not guilty on all charges levelled against them. The incompetent NPA strikes again pic.twitter.com/8No8eKrufO
— SITHALE✍🏿 (@SithaleKgaogelo) April 2, 2025
JUST IN | Pastor Timothy Omotoso and his co-accused Lusanda Sulani and Zukiswa Sitho bow in prayer after being found not guilty on all charges in the high court in Gqeberha. pic.twitter.com/xJH2EWJf8j
— The Herald NMB (@HeraldNMB) April 2, 2025
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
