Kubonakala zilokhu ziphazamiseka kancane kancane izinhlelo zika Hugo Broos ongumqeqeshi weBafana Bafana njengoba sekuphinde kwahoxa umdlali we Mamelodi Sundowns Aubrey Modiba ngenxa yokubhekana nesimo somndeni wakhe njengoba kuvela ukuthi uNkosikazi wakhe uyoteta.
.UModiba isikhala sakhe sizovalwa umdlali we Sekhukhune united u uVuyo Letlapa osekhombise ithalente elikhulu kule Kilabhu kanti usanda kunconywa umnikazi weqembu leJomo Cosmos uJomo Sono ebabaza ithalente lika Letlapa ethi lomdlali ungamfaki kunoma iyiphi iligi emhlabeni uzokwenzela izimanga.
.Usengumdlali wesibili uModiba ukuhoxa eqenjini lesizwe iBafana Bafana njengoba osukwini lwayizolo kuvele izindaba zokuhoxa kuka Tito Maswanganyi we Orlando Pirates ngenxa yokulimala kanti isikhala sakhe sizovalwa uNdamulelo Maphungule ogijima kwiPolokwane City.
. IBafana Bafana izodlala umdlalo wokuhlungela indebe yomhlaba osukwini lwangolwesihlanu mhlaka 21 March 2025 ne Lesotho enkundleni yezemidlalo eNew Peter Mokaba Stadium ngehora lesithupha ntambama kanti ngolwesibili mhlaka 25 March 2025 izobe isitholana phezulu ne Benin ekuhambeni.
