I-African National Congress (ANC) inxuse ukuba kuthathwe isinyathelo esisheshayo sokubhekana nobugebengu obukhulayo edolobheni laseGoli kulandela ukubulawa ngesihluku kukaWarrick “DJ Warras” Stock.
Lo DJ udutshulwe ngabasolwa abathathu enkabeni yedolobha laseGoli eduze kwaseCarlton Centre ngoLwesibili.
OLUNYE UDABA: UDJ Warras ubenezincwadi ezinhlanu zokuzivikela ngaphambi kokubulawa
Okhulumela i-ANC kuzwelonke uMahlengi Bhengu ukugxekile ukubulawa kwalo saziwayo, ekuchaza njengozinsongo emphakathini wonkana.
Khonamanjalo, amaphoyisa akhombe owesifazane njengomuntu onentshisekelo “njengongqondongqondo” ekubulaweni kukaWarrick “DJ Warras” Stock.
Lokhu njengoba uphenyo ngokubulawa kwalo DJ luqhubeka nokukhula.
Abantu abaningana abaxhumene noDJ Warras bathathiwe bayophekwa ngemibuzo, okuhlanganisa nomngane osendelene naye, omunye wabasebenzi bebhilidi iZambezi, nabanye ababhalwe ezincwadini zezivikelo ezenziwa yilo DJ ongasekho emhlabeni.
