Abosizo lokuqala i-KZN VIP baphuthume engozini eyenzeke eceleni komgwaqo u-M4 Ruth First Highway, eduze komgwaqo u-M41 mawubheke enxanxathela yezitolo iGateway.
Abosizo lokuqala bafike imoto ivutha ilangabi nabantu ngaphakathi, bememeza.
Owe-KZNVIP uMolefe noHoward, bagxume bahlala, bagijima bakwazi ukukhipha umshayeli emotweni eshayo. Ngeshwa ngenxa yobukhulu bomlilo abakwazanga ukufinyelela kumgibeli.
OLUNYE UDABA: Izingozi eziningi emgaqweni ‘eshelelayo’ yase-KZN
AboMnyango wezicishaMlilo nabo bafike ngokushesha ukuzo bhula ilangabi, ngeshwa besekungekho abangakwenza ngowesifazane obehamba nomshayeli obengasatshengisi zimpawu zokuphila, wahlonzwa njengoshonile khona endaweni yesigameko.
Umshayeli othole ukulima uxilongwe khona endaweni yesigameko ngaphambi kokuphuthunyiswa esibhedlela esiseduze ukuyothola ukwelashwa okwengeziwe.
Amaphoyisa ophiko lwe-SAPS abekhona endaweni yesigameko kanti azoqhubeka nophenyo ngesigameko.
UNgqongqoshe wezokuBusa ngokuBambisana neziNdaba zoMdabu KwaZulu-Natal, uMfundisi Thulasizwe Buthelezi, ngokusebenzisa iSikhungo Sokuphathwa Kwezinhlekelele Sesifundazwe ushaye ihlombe ngesibindi kanye nobungcweti obuboniswe ngabosizo lokuqala ngesikhathi sengozi eyenzeke ku-M4 Ruth First Highway eduze kwaseMhlanga namuhla ekuseni.
