Iqembu le-Orlando Pirates lidlulele kowandulela owamanqamu kumqhudelwano weMtn 8 ngemuva kokuthi beshaye iqembu lePolokwane City ngamagoli amabili eqandeni osukwini lwayizolo e-Orlando Stadium.
Amagoli ezimnyama, elokuqala livalelwe phakathi umdlali omusha waleli qembu u-Oswin Appolis kwathi elesibili lavalelwa nguPatrick Maswanganyi.
OLUNYE UDABA:Ihamba phambili ngamakilabhu i-KZN kwiBetway Premiership
Kulo mdlalo kugqame abadlali abasha bezimnyama okubonakala bezolilekelela kakhulu leli qembu, lapho singabala u-Appolis ovalele igoli lakhe lokuqala siphinde sibale uSihle Nduli naye obe nomdlalo omuhle, kube insizwa ebigqoke ijezi eliwunombolo 32 uMariko naye ube nomdlalo omuhle kanjalo noSipho Mbule ozifake ezinhlizweni zabalandeli.
Umqeqeshi omusha weOrlando Pirates u-Abdeslam Ouaddou uzwakalise okukhulu ukujabula waphinde wancoma indlela ezakhe ezidlale ngayo kulo mdlalo.
Osukwini lwanamuhla umdlalo oqhubekayo weMtn 8 iqembu laMazulu lizotholana phezulu ne Stellenbosch kuthi iMamelodi Sundowns yona izotholana phezulu neRichard’s bay.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
