Sekubalwa izinsuku ukuthi kufike usuku olukhulu lweComrades Marathon ezosukela eCity Hall yaseMgungundlovu isongwe eMoses Mabhida, eThekwini.
Lo mjaho walo nyaka owesi-98 kanti ungu-89km, kulo mqhudelwano othakaselwa abantu abaningi eNingizimu Afrika nangaphandle ubungenelwe abantu abangu-24 000 kanti bangu-22 000 abakwazile ukwenza izikhathi zokuba yingxenye yayo.
OLUNYE UDABA: Uhlu lwemigwaqo ezovalwa ngenxa yeComrades Marathon eThekwini
UGerda Steyn ovikela isicoco kwabesifazane ubhekiwe osukwini lwangeSonto ukuthi asivikele ngobunono lesi sicoco, kanti abanye abesifazane ababhekiwe ngu-Irvette Van zyl, uJenet Mbhele, noDikeledi Majara.
Ngasohlangothini kwabesilisa nguPiet Wiersma waseNetherlands okuyena onqobe ngonyaka odlule ubhekiwe, kube nguDijane waseNorth west onqobe ngo-2023 naye ubhekiwe.
Umjaho weComrades Marathon uphethe imiklomela ka-R7.6 Million kanti ozowina uzothola uR874 000 kwabesilisa nakwabesifazane.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
