I Orlando Pirates isizibekele indawo kwimidlalo yama semifinals e Carling Knockout Cup ngemva kokubhaxabula i Sekhukhune United ngo 1-0, igoli elivalelwe phakathi u Mpho Padimo ngomzuzu ka 32, emdlaweni obuse Orlando Amstel ngoMgqibelo ntambama.
Umqeqeshi we Orlando Pirates u Adeslam Ouaddou uncome kakhulu abadlali bakhe ngalomphumela yize ethi bebengakwazi ukuphumelela lomdlalo ngamagoli angaphezu kwelilodwa. “Eqinisweni nje kumele ngabe sifake amagoli angaphezu kwelilodwa kulomdlalo, kodwa into ebisishaya kakhulu kube ukuhluleka ukulawula ibhola njengoba besibuye sibe nokutatazela” kuchaza u Uuaddou ngemva kwalomdlalo.
I-Orlando Pirates iyona eyathatha lesicoco ngonyaka owedlule njengoba yabhaxabula i Marumo Gallants ngo 1-0 emdlaweni wamanqamu. Ngesonto kuzodlala amaqembu okugcina kulesigaba sama quarterfinals.
