Sigcine sitholwe ngempumelelo isidumbu sendoda eneminyaka engu-54 ubudala esesifunwe izinsuku ezinhlanu edamini laseHazelmere.
Umsebenzi wokufuna isidumbu oqale ngoLwesihlanu ububandakanya amalungu akwaSouth African Police Service Search and Rescue Unit nabakwa-Durban Metro Police Service Search and Rescue Team abasebenzi imini nobusuku ngaphansi kwezimo ezinzima ukufuna nokuthola umufi.
OLUNYE UDABA: Kushone umfana, 5, ngemuva kokugwiliza e-swimming pool ekhaya ePMB
Le ndoda kubikwa ukuthi yangena emanzini ngemizamo yokuthola i-jet ski ngesikhathi inomndeni wayo nabangani bengcebeleka edamini.
Amaphoyisa akwa-Metro adlulise amazwi enduduzo emndenini nasezihlobeni kulesi sikhathi esinzima obhekene naso babonga nabo bonke abezimo eziphuthumayo abasukumele isigameko.
