Icala elibhekene noChatunga Bellarmine Mugabe oneminyaka engu-29 ubudala kanye noTobias Mugabe Motonge oneminyaka engu-33 ubudala lihlehliselwe umhlaka-3 March.
Laba bobabili bavele eNkantolo yeMantshi yase-Alexandra namuhla ngemuva kokuboshwa kwabo ngoLwesine.
Owesilisa oneminyaka engu-23 ubudala osebenza engadini wadutshulwa emzini kaMugabe eHyde Park ngoLwesine.
OLUNYE UDABA: Iyavela enkantolo indodana kaMugabe ngelokudubula
Kubikwa ukuthi usesimeni esibucayi esibhedlela.
UMugabe noMotonge baboshwe ngecala lokuzama ukubulala.
Laba bobabili, babhekene nelinye icala lokuphambana nengalo yomthetho ngemuva kokuba isibhamu esingatholakalo okukholakala ukuthi yiso esasetshenziswa ukudubula.
Icala lihlehlisiwe kanti abaseshi bona basaqinisekisa isimo sikaMugabe noMotonge sokuba ezweni noMnyango wezaseKhaya.
