Amaphoyisa aKwaZulu-Natal, eholwa nguKhomishana wesiFundazwe, uLieutenant General Nhlanhla Mkhwanazi, agasele endaweni yasePhoyinti eqhuba umsebenzi wawo ngmizamo yokubheka izibhamu ezingekho emthethweni, izimpahla ezingekho emthethweni kanye nabantu bakwamanye amazwe abangena kuleli ngokungemthetho, ngoLwesihlanu ebusuku.
Amaphoyisa aphinde ahambela endaweni yaseMlazi neyaKwaMashu ngawo uLwesihlanu ebusuku.
OLUNYE UDABA:Kuthungathwa abasolwa ababulale amalungu omndeni amane
Ngesikhathi amaphoyisa esebenza, avale umgwaqo uDr Pixley kaSeme Street ePhoyinti, avala nendawo eyijoyinti elidumile ebelisebenza ngokungemthetho. Kuboshwe nomnikazi wejoyinti okuleli ngokungemthetho, kwashaqwa notshwala.
Kukhona nabanye abasolwa ababoshwe ngokutholakala nezidakamizwa kanjalo nokuba nesibhamu ngaphandle kwelayisensi.
Endaweni yaseMlazi kuboshwe umsolwa ngecala lokuvimbela amaphoyisa ekwenzeni imisebenzi yawo.
Kuboshwe nenqwaba yabantu bokufika kuleli abangenazo izincwadi ezibagunyaza ukuba sezweni laseNingizimu Afrika.
IZITHOMBE:
