INkantolo yeMantshi yaseGoli kulindeleke ukuthi ikhiphe isinqumo ngesicelo sebheyili sikaVictor Mthethwa Majola, indoda esolwa ngokwakha itulo lokubulala uWarrick “DJ Warras” Stock.
UMajola, oneminyaka engu-44 ubudala, ubhekene namacala okubulala, ukubulala okuhleliwe kanye nokwakha itulo lokubulala kulandela ukudutshulwa kukaDJ owaziwa kakhulu, ongumsakazi aphinde abe ngusomabhizinisi ngaphandle kwebhilidi iZambesi Building enkabeni yedolobha laseGoli ngoDecember 2025.
OLUNYE UDABA: Uthi ufaniswa nombulali osolwa ngokubulala uDJ Warras
UDJ Warras, owayengumsunguli wenkampani yokuvikela i-VIP, wadutshulwa izikhawu eziningi kulokho uMbuso othi kwakuyisigameko esihleliwe. Ukubulawa kwakhe kwavusa ukushaqeka okukhulu kwezikaqedisizungu kanjalo nabalandeli bakhe.
