Osukwini lwayizolo abathandi bebhola baseNingizimu Afrika balale bedumele ngenxa yesinqumo esikhishwe iFifa sokujezisa iBafana Bafana ngenxa yokudlalisa uTebogo Mokoena ngokungemthetho ngesikhathi bebhekene neLesotho ngoMarch nalapho elakuleli lanqoba lomdlalo ngamagoli amathathu eqandeni.
IFifa izolo ikhiphe isinqumo esibeka iBafana Bafana encupheni njengoba kwiqoqo lesithathu abakulona ibona ebebeqwakele kanti njengamanje sebeyalingana ngamaphuzu neBenin.
OLUNYE UDABA: IBafana Bafana ihlule iLesotho kowokuhlungela iNdebe yoMhlaba
Njengamanje iBafana Bafana isidinga ukuthi iyinqobe yonke imidlalo yabo ebasalele njengoba bezobhekana ne Zimbabwe ngomhlaka-10 October 2025 kuthi beyivale ngeRwanda ngomhlaka-14 October.
IBafana Bafana iphinde yayalelwa ukuthi kufanele iphinde ikhokhe imali engango-R200 000 ngesenzo sayo sokudlalisa uMokoena ekubeni enamakhadi amaningi ebengasamgunyazi ukuthi adlale umdlalo wabo neLesotho.
