IVolkswagen isimemezele ukuthi kubuyiselwe emuva amaveni angaphezu kuka-300 ohlobo lwe-Amarok.
Amaveni athintekile akhiqizwa phakathi kukaJanuary noJune 2025.
Umkhiqizi wezimoto uthi ukuhoxiswa kwezimoto kungenxa yenkinga yamabhuleki.
OLUNYE UDABA: AbakwaFord bacela kubuyiselwe emuva ama-model amane ezimoto ‘anobungozi’
Ukubuyiselwa emuva kwezimoto kuza ngemuva kokuba iNational Consumer Commission (NCC) imemezele amaphutha ezimotweni ezingu-102 zakwaMercedes-Benz.
I-NCC ngoLwesine ithe ukubuyiselwa emuva kwezinhlobo ezine ze-EQE-295 kanye nezingu-98 ze-GLC-254 kungenxa yenkinga yokubhowulwa kwesiteringi ne-rack.
Izimoto zakwaMercedes-Benz ezinenkinga zakhiwe phakathi konyaka ka-2022 no-2025.
Ikhomishana inxuse abashayeli abathintekayo ukuthi baxhumane nezinkampani ezidayisa izimoto ezigunyaziwe ukuze zihlolwe, zilungiswe noma zishintshwe.
