INkantolo yesiFunda eMgingindlovu isigixabeze uLindani Gcumisa oneminyaka engu-46 ubudala ngodilikajele abanekulandela ukutholakala enamacala amane okudlwengula awenza emzini wakhe oseMbali Unit 18 ePlessisler Phakathi kukaFebruary nomarch 2024. Ugwetshwe ngomhlaka-11 April 2025.04.16
Ngobusuku bangomhlaka-23 February 2024, umfana oneminyaka engu-12 ubudala owayethunyelwe esitolo ephelezelwa ngabangani bakhe ababili. Ngesikhathi esesitolo uGcumisa owazika kakhulu ngelika’malume Lee’ wabizela lo mfana egumbini lakhe lokulala lapho amdlwengulela khona.
UGcumisawanikela isizulu imali engu-R5 wathi kuye angatsheli muntu. Ngesikhathi isizulu sibuya, omunye wabangani baso wathi asikhulume ibhulukwe ukuze bezohlola ingemuva laso. Ngemuva kokubona uketshezi, abangani bathi akatshele umama waso.
OLUNYE UDABA: INgqungquthela yamaPhoyisa: Kudingidwe ngamasu okulwa nobugebengu
Kwavulwa icala lokudlwengula umsolwa waboshwa. Uphenyo olunzulu lwaveza ukuthi bekungesikho okokuqala isizulu besidlwengulwa ‘ngumalule uLee’.
Abaseshi bophiko lweFamily Violence, Child Protection and Sexual Offence lithole ukuthi abangani besisulu, oneminyaka engu-10 noneminyaka engu-13 ubudala kanye kanye nengane yakubo eneminyaka engu-9 ubudala bonke badlwengulwa yilo ‘malume Lee’, lesi sigilamkhuba savulelwa amacala.
UKhomishana wamaPhoyisa KwaZulu-Natal uLieutenant General Nhlanhla Mkhwanazi uthe ushayeke umxhwele ngabaseshi abaqoqe ubufakazi obuholele ekutheni kuboshwe lesi sigilamkhuba.
Uphinde wancoma inkantolo ngokufaka lesi sikhohlakali ejele impilo yaso yonke, ethi sekususwe isikhohlakali esisodwa emphakathini.
“Ukudlwengula kusaseyinkathazo emaphoyiseni KwaZulu-Natal kanti ukugwetshwa okufana nalokhu kukhuthaza amaphoyisa ukuba asebenze ngokuzikhandla emacaaleni okudlwengula. Izisulu ziyagqugquzelwa ukuba zikhulume zivule amacala ukuze kwenzeke ubulungiswa,” Kusho Lieutenant General Mkhwanazi.
