Kubikwa ukuthi ayalulama esibhedlela amaphoyisa amabili adutshulwe kwaBester enyakatho yeTheku.
Kukholakala ukuthi abasolwa abayishumi bavulele ngenganono bebhekise emaphoyiseni endaweni yakwaBester izolo, ngoLwesibili.
Okhulumela amaphoyisa KwaZulu-Natal uRobert Netshiunda uthe amaphoyisa nawo adubulile eziphindiselela.
OLUNYE UDABA: Asesimeni esikahle amaphoyisa amabili adutshulwe kwaBester
“Amaphoyisa adubulile eziphindiselela, abasolwa babaleka endaweni okwenzeke kuyo isigameko.
“Kulesi sigameko kulimale amaphoyisa amabili, aphuthunyiswe esibhedlela eyothola ukwelashwa.”
Imibiko engaqinisekisiwe iveza ukuthi kungenzeka ukuthi la maphoyisa abhekane nale nkinga ngesikhathi kulwa amaqembu amabili abesevele eqalile edubulana ngaleso sikhathi.
UNetshiunda uthi amaphoyisa ophiko lwe-SAPS eKZN aphenya amacala okuzama ukubulala.
Akukaboshwa muntu.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
